Ветии многовещаннии риторекими своими языки не возмогут изрещи тебе достойныя хвалы, Георгие, многих ради твоих подвигов и болезней, ихже за Христа и Церковь подъял еси волею. Сего ради и мы, недоумея восхваляти тя по достоянию, воспеваем сице:
Радуйся, вольным за Христа и Церковь страданием, ветхаго в себе Адама распявый;
радуйся, за доблестное страдание, венец правды от руки Господни приявый.
Радуйся, правило ревности благочестивыя;
радуйся, образе нищеты духовныя.
Радуйся, яко не себе, но единому Христу добре угодил еси;
радуйся, яко за Христа на многообразныя смерти готов был еси.
Радуйся, Георгие, великий победоносче.